一

要问客家奈志来，客家来自黄河边。
要问客家奈志住，逢山有客客有山。

                      二

唛怪生果唔当梨，N多妹仔唔当你。
赤木打花千万朵，唔及紫薇开一枝。

                      三

日里想你头黎黎，夜里想你到鸡啼。
流过几多眼泪水，席子枕头生乌鸡。

                      四

话包爱行就爱行，唔怕别人斩脚争。
斩了脚争有脚仔，阿妹有命总爱行。

                     五

入山看见藤缠树，出山看见树缠藤。
树死藤生缠到死，树生藤死死也缠。

        
                     六

偶爷有女也唔放，冇好媒人来斗当。
偶爷有女也唔嫁，冇好媒人来磨牙。
一月敢来六七遍，就是为了媒人钱。
饭碗食缺门踏哥，好话讲了一大箩。
日后若系偶受苦，捉到媒人来煎煮。
去到男家受打骂，捉到媒人来油炸。